"Ayun sila!" Turo ni Ashlene sa mga kababaihang nasa loob ng dulo ng kweba. "Diyan sila nag-aalay ng buhay sa panginoon nila."
Namilog ang mga mata ni Hilmar. May maliit na altar sa harapan at may malaking sungay na nakasabit tapos ay napapalibutan ng kandila ang paligid na siyang nagsisilbing liwanag. At ang mga babae ay nakasuot ng bestidang itim na hanggang paanan ang haba na may hood na tumatakip sa ulo nila. "Mga kulto?!" sambit nito.
Tumango si Ashlene. "MGA BABAENG KULTO na nananampalataya kay Satanas!"
Napailing-iling si Hilmar. Ang totoo ay hindi ito naniniwala sa mga kulto. Hindi nito akalaing mayro'n nga palang mga samahan na ganito.
"Bitawan niyo ako!" mayamaya ay nadinig nilang sigaw ni Kear. Kinakaladkad ito ng dalawang babae patungong pinaka-altar ng kweba.
Doon napansi
