Zacherson's POV
TAHIMIK lang na sinusunod ni Jamie ang lahat ng iniuutos ko sa kanya. Alam kong naninibago siya at naiilang sa bago niyang trabaho. Pangalawang araw pa lang niya dito at sobrang tahimik niya. Kung ano ang sabihin ko ay walang pasubali niyang gagawin.
"Jamie," tawag ko sa pangalan niya. Agad naman itong lumingon sa akin.
"Bakit po Sir?" inosente nitong tanong habang walang emosyong mababakas sa kaniyang mukha.
"Ibigay mo ito kay Mr. Carlo Mendoza." Inilahad ko ang mga papeles at walang pasubaling dinampot niya iyon. Tiningnan ko siya at seryoso lang ito na hindi ko makitaan ng pagtutol.
"Sige po, Sir," sambit nito at lumabas na ng silid.
Hindi ko maintindihan kung bakit parang bumabait ako sa kanya. Simula ng naging Secretary ko siya ay hindi ko pa siya nasusungitan, m
