Jamie's POV
LULAN kami ngayon ng taxi patungo sa isang sikat na restaurant, kung saan gaganapin ang dinner meeting. Kinakabahan ako at sobrang natetensiyon. Mga kilalang tao ang naroon at hindi pa ako nakakadalo sa mga ganoong dinner meeting. Hindi ko pa rin naranasang makihalubilo sa mga kilalang tao. Baka mapahiya ko lang si Zach. Kinakabahan talaga ako.
"Alam kong kinakabahan ka Jam, hindi mo naman kailangang pakisamahan silang lahat. Ngitian mo silang at tanguan ay okay na," ani Zach habang seryosong nakatingin sa akin.
Sana nga okay lang na ngitian ko sila. Hindi naman ata required na kausapin ko sila isa-isa.
Kung sa bagay, kung magaling kang makisama kahit kanino ka iharap at kahit saan ka mapunta alam mo ang dapat mong kilos at alam mo kung paano sila pakitunguhan ng maganda, a
