Jamie's POV
NAGIMBAL ako sa aking nalaman mula kay Zach. Hindi ko inakalang ganoon pala ang sinapit ng dati niyang kasintahan. Nakakagulat na pinatay rin ito at hanggang ngayon ay hindi pa rin nahuhuli ang salarin. Pakiramdam ko no'ng mga oras na iyon, nadudurog rin ang puso ko kagaya ni Zach. Ang hirap na nakikita ko siyang nasasaktan.
"Nak, bilisan mo na baka ma-late ka na naman sa trabaho!" sigaw ni Mommy galing sa kusina. Kakabangon ko lang mula sa kama. Ang sarap pa ngang matulog e, kaya lang may trabaho pa ako.
"Opo!" balik kong sigaw ko. Dali-dali akong pumasok ng banyo at agad naligo. Ginhawa ang dumaloy sa akin nang lumapat ang malamig na tubig sa buo kong katawan.
Pagkatapos kong maligo ay agad akong nagbihis ng pang-office na damit. Humarap muna ako sa salamin at naglagay n
