Jam’s POV
Tagaktak ang pawis ko nang mapaupo ako sa semento dahil sa matinding pagod. May sugat na ako sa braso dahil sa daplis ng kutsilyo, pero sa sobrang pagod ay halos hindi ko na ito nararamdaman. Ito na yata ang pinaka-matinding bakbakan na nangyari sa buong buhay ko bilang pulis.
Lumapit sa akin si Luis na kakagaling lang sa pakikipag-usap niya sa chief kanina.
“Dinala na nila sina Santiago at Leo sa ospital. Pero si Eron… patay na siya,” kwento nito at tumabi sa akin.
Kumuha siya ng pakete ng sigarilyo sa bulsa niya at inalok ako, pero umiling lang ako. Kumuha siya ng isang piraso, sinindihan iyon, at nagbuga ng usok sa hangin.
“Eh si Dr. Smith?” tanong ko matapos ang katahimikan. Napalingon siya sa akin. Alam ko na ngayon na ang mayor na naging close ko noon ay siya palang li
