Habang pauwi na kami ay hindi ko maiwasang hindi matawa sa nangyayaring eksena kanina sa kuwarto ni daddy. Lihim akong natawa sa attitude ni Sam, hindi ko akalaing ganoon na siya ka palaban. Ilang beses lumunok ng laway si Monic nakita kong napahiya siya sa mga banat ni Sam. "Akala mo hindi kita nakitang ngumiti Darren? Natutuwa ka pa sa ginagawa ng hayop na iyon?"
"Monic, bakit ka ba nagagalit diyan? Kasalanan mo naman eh. Kung makapagsalita ka akala mo bato ang kausap mo hindi ka kayang gantihan. Ano ka ngayon? Pahiya ka na naman."
"Darren, hindi ako papayag na hindi makaganti sa babaeng iyon! Saka Darren paano mo siya nagugustuhan noon? Bukod sa wala siyang breeding ay napakapresko magsalita. Kulang sa desiplina ang bunganga."
"Monic, isang doctor si Sam. Matalino at ilegante. Napa
