HINANAP ko si Yevhen matapos kong pakalmahin ang aking sarili.
Kung saan-saan ako nagpupunta, pero sa stage ko lang pala siya makikita habang ibinibigay na nila ni Chairman Villamayor ang donations para sa iba't ibang non-governmental organizations.
Bumuga ako nang malakas na hangin bago ako tumigil at tumindig ako sa lugar kung saan malayo sa kaniya upang mapagmasdan ko siya nang mabuti.
Puta. Bakit unti-unti na nga yata siyang gumugwapo sa paningin ko?!
“Ako dapat ang nasa itaas, Kim. Ako ang nag-asikaso ng lahat.” Biglang napataas ang aking isang kilay at tila nanlaki rin ang aking mga tainga nang mayroong magsalita sa aking likuran.
Napailing na lamang ako at napangisi dahil alam ko nang si Sir Xavier at si Kimberly iyon kahit hindi ko pa lingunin.
Siya ang nagprisinta kay Chair
