Jonga's POV:
"Welcome to Egypt. Nandito na rin tayo sa wakas," masayang sabi ni Cosmo sa gilid ko.
"Ganito pala ang amoy ng Egypt mga ate at kuya. Ang astig," sabi naman ni Bailey.
"Bakit? Ano ba ang amoy ng Egypt? May amoy ba? Parang wala naman eh. Amoy lupa lang ganoon," tanong ko at suminghot-singhot pa.
"Mayroon kaya. Amoy balik-bayan box na buhangin. Ganito rin ang amoy eh. Ang Saudi nga amoy natapong shampoo sa mga tinapay," sabi ni Bailey kaya napangiwi kami ni Cosmo. Hindi rin namin maintindihan si Bailey minsan.
Nakababa na kami ng truck at nagtayo ng mga tent dito sa labas ng pyramid. Sobrang dilim na kaya delikadong pumasok. Pero ang sabi ni Frabulah, mas safe raw ngayon pumasok. May mga teoryang nabuo raw ang kapatid niyang si Neptulah na baka nabubuhay ang ibang patib
