Jonga's POV:
Lutang akong naglalakad dito sa gitna ng gubat kasama si Cosmo, Vita, at Kiwi. Hindi ako maka move-on sa binitawan kong mga salita kanina.
Baka ako na ang sumunod kay Rizal, balak ko rin namang maging doktor. Dr. John Mar Metana, ang pambansang bayani. Hay, kung ano-ano na ang naiisip ko.
Pero gusto ko talagang iligtas ang mga kapatid ko, gustong-gusto. Pero siguro bago kami pumunta ro'n ay dapat may plano kami. Napakalayo no'n at delikado kaya dapat ay hindi kami basta-basta. Hindi lang dapat emosyon ang paiiralin, may pagpaplano rin. Mahalaga ito dahil kung susugod kami na walang dalang armas at plano ay para lamang kaming magpapakamatay.
Malayo-layo na ang narating namin hanggang sa may makita kaming isang palayan. Sa dulo no'n ay may nakita kaming barn style house k
