Umalis si Ninong, ayon kay Ate Yolly. May biglaang lakad daw. Nakatulog ako kanina, pagdating namin galing sa labas. Ang dami ring pinamili ni Ninong sa akin na mga damit. Naisusuot ko lang naman ang mga dress kapag nagsisimba at kung may pupuntahang birthday.
Nandito kami ni Ate Yolly sa garden at nagmemeryenda. Nagluto siya ng minatamis na kamoteng kahoy. Tinernuhan namin ng black coffee. Sa kamoteng kahoy na manggagaling ang tamis. Baka masobrahan pa kami sa sugar.
“Alam mo Bea, ang bait ni Sir nitong mga nakaraang araw. Hindi naman masama ang ugali niya. Pinagtitiisan nga niya ang mga niluluto ko eh. Hindi siya nagrereklamo kahit may nagawa akong mali. Pero iba talaga siya simula nang tumira ka dito.”
“Mabait naman talaga si Ninong at very gentleman pa. Anong bago sa kanya? Kung d
