Maaga akong umalis ng bahay, may meeting ako ng umaga. May naka-schedule rin akong meeting sa hapon para sa bagong negosyo namin ng mga kaklase ko noong high school. Hindi na sana ako mag-jo-join sa kanila, makulit lang ang kaibigan kong si Jabez. Anim kaming magkakasosyo at isa si Zarah sa makakasosyo ko, ang dati kong girlfriend.
Pagbalik ko ng office mula sa aking breakfast meeting, may nakapatong na paper bag sa table ko. May nakasulat na note, sulat ni Mang Danny.
Sir Hector,
Kainin daw po ninyo, bilin po ni Ma’am Bea!
Mang Danny
Hindi na ako kumain kanina sa bahay at hindi ko na rin naisabay si Bea papasok ng kanyang school. Si Mang Danny ang sumundo sa kanya sa bahay. Alam kong nag-co-commute lang noon si Bea, papasok sa kanyang paaralan. Ngayon na nasa aking tahanan na siya a
