Mabilis kong pinaharurot ang aking sasakyan matapos akong tawagan ni Havana na kabado ang boses at sinabing nasa harap ng building ang aking ex-wife. Nanggugulo daw ito at sinaktan pa ang aking pinsan at ang guard. Ano ba naman kasi ang ginagawa ni Parisian doon? Pinagbawalan ko na nga, eh! Nagngitngit ang aking mga ngipin at malakas kong binagsak ang aking kamay sa manibela sa sobrang inis ko. I was really worried nang marinig ko ang boses ni Havana na parang takot at akala ko may nangyari na sa kanila ni Jibi. Ngayong nagpakita na naman si Parisian, ayoko na magalit ulit sa akin ang dalaga. That time na parang strangers kami kahit magkasama kami sa isang bahay, it felt so excruciating at ayoko na maramdaman ulit ito. Sana okay lang siya, sana napigilan ni Jibi ang aking dating asawa.
