ITINUON NI VICTORIA ang pansin sa paglalakad palayo, sinubukan niyang huwag pakinggan ang anumang sinasabi ni Roberto. Sinubukan niyang magkunwari na hindi nakasunod sa kanya ang boyfriend—ex-boyfriend. Halos hindi niya kayanin ang nararamdaman. Hindi maipaliwanag ang sakit na kanyang nadarama. Para siyang babagsak at mahahati. Hindi siya makahinga nang maayos. Wala siyang kontrol sa kanyang mga luha. Parang gripo na binuksan ang kanyang mga mata. Noon lang niya naramdaman ang ganoon sa buong buhay niya.
Hindi mabura sa kanyang isipan ang nadatnan sa bahay ni Roberto. Umaalingawngaw pa rin sa kanyang isipan ang kanyang mga narinig. Labis niyang pinagsisihan ang pagpasok na lang basta sa loob ng bahay ni Roberto. Inakala niya na sadya nitong iniwang bukas ang front door para sa kanya.
Hin
