"Yanna! Nasaan ka na?! Nandito na kami sa room kanina pa!" singhal sakanya ng kaibigang si grace sa kabilang linya. Nailayo pa nga ng dalaga sa tenga ang cellphone dahil halos mabingi siya sa lakas ng boses nito. Mukhang wala na naman sa mood ang kaibigan niyang maldita.
"O eto na, pababa na ng jeep. Kalma lang, Sis," tumatawang sagot niya.
"Nakuha mo pa talagang tumawa? Sige, kapag ikaw na-late na naman at hindi pinapasok, ewan ko na lang talaga." Hindi na siya nakasagot pa dahil busy tone na ang sunod niyang narinig sa kabilang linya.
Napabusangot pa si Yanna nang makita ang haba ng pila sa may gate. Nagche-check kasi ng bag ang mga Criminology intern. Kaya minsan isa din iyon sa reason ng mga nala-late, eh. Cause of delay nga naman kasi. It's not as if magdadala sila ng bomba sa scho
