Mia’s POV
“Nasa mood si mama. Pinayagan niya akong mag-overnight,” sabi ko sa mga kaibigan ko pagdating sa sa bahay nila Francheska. Ako na lang pala ang wala kasi nandito na rin sina Celine at Sofia.
“Eh, bakit nga ba biglaan ‘to?” tanong ni Celine na hindi pabor sa overnight na ‘to kasi may date dapat sila ng boyfriend niya. Siyempre, kapag ako ang nag-aya, ako ang masusunod. Ako dapat ang pipiliin niya, kundi, cancel na siya sa akin.
“Mabuti pa, doon na tayo sa kuwarto ni Francheska, doon ko kukuwento ang lahat,” aya ko sa kanila. Nagkalat kasi dito sa sala ang mga kasambahay nila Francheska na sure akong sumasagap lang ng diwara.
“Sige, guys, mauna na kayo. Papaliwanag ko lang sa kusinera namin ang food na ipapa-ready ko,” sabi naman ni Francheska. Nauna na kami nila Celine at Sofi
