Malakas ang hangin sa baywalk. Tahimik ang dagat pero parang ramdam ni Jenny ang bigat ng loob sa bawat hampas ng alon sa breakwater. Nandoon siya, yakap-yakap ang sarili, parang sinusubukang buuin ang mundong gumuho sa kanya tatlong araw na ang nakalipas.
At nang huminto ang isang itim na SUV sa ‘di kalayuan, alam na alam na niya.
Pagbukas ng pinto ay bumaba si Jace.
Pagod ang katawan. Napakabigat ng mata. Wala ang dating lakas at awtoridad na dala nito. Para siyang aninong umuuwi sa sarili niyang pagkatalo.
Naglakad siya palapit. Mabagal. Parang nag-aalinlangan.
Huminto siya sa harap ni Jenny.
Ilang segundo lang, pero parang ilang taon ang lumipas.
Pareho silang nakatayo sa ilalim ng poste ng ilaw, dalawa sa pinakamataas na bundok ng sakit na pwede nilang maramdaman.
Walang nagsa
