Tahimik lang ang loob ng coffee shop. Amoy vanilla beans at mocha magkahalong lamig ng aircon at init ng hapon sa labas. Sa isang sulok ay nakaupo sina Jenny at Maxine—magkaharap, parehong may hawak na kape, pero halata ang agwat ng ugali sa pagitan nila.
Si Maxine, maaliwalas ang mukha kahit walang make-up. Sikat pa rin kahit hindi nakaayos. Si Jenny naman ay nakasuot lang ng simpleng white blouse at beige pants, buhok na nakatali sa loose ponytail. Tahimik lang siyang humihigop ng kape at nakatingin kung saan.
“Parang ang tahimik mo na naman nitong mga nakaraang linggo,” sabi ni Maxine habang nilalaro ang straw ng iced coffee niya. “May problema ka ba?”
Umiling si Jenny at pinilit ngumiti. “Wala naman, Ate. Siguro pagod lang. Ang dami kasing gawain sa school.”
“Hmm.” Pinanood lang si
