"Sa'n pupunta si Lolo?" tanong ni Diane kay Rj nang biglang sinukbit ng matanda ang itak nito saka nagsumbrero at umalis na. Iniwan na sila roon.
"Sa'n pa? E'di kukuha ng tuko at ahas," sagot ni RJ na tumayo na rin.
Nagliwanag ang mukha niya. Sa wakas mapapasakamay na niya ang mga sangkap ng gayuma. Konting kembot na lang at mapapa-ibig na niya si Aron niya. Magkaka-forever na siya! Ayiee! Sorry na lang kay Jazz.
"Sa'n ka pupunta?" tanong niya pa sa binata.
Itinaas ni Rj ang langka at niyog. "Bubuksan ko lang ang mga ito!" nakairap na sagot sa kanya ng binata saka lumabas ng bahay.
Kibit-balikat siya saka napahagikgik. Lalabi-labi siyang sumunod kay Rj.
Sa labas nakita niyang tinatabas ni Rj 'yung niyog sa pamamagitan ng itak.
"Anong oras makakabalik si Lolo?" tanong niya ulit dito.
