"Sorry 'di ko naman alam na may pigsa ka riyan!" Ngiwing-ngiwi si Diane. Magkatabi na silang nakaupo ni Rj sa tabi ng kalsada. Hindi na kasi niya ito nagawang iwanan pa at medyo okay naman na si Rj.
Maingat na nilislis ni Rj ang pantalon nito. "Okay lang. Alam ko naman na 'di mo sinasadya, eh."
"Sa dinami-dami naman kasi ng pwede naman kasing tubuan niyang pigsa na 'yan ba't diyan pa sa paa? Pwede naman sa puwet! Para nakaiwas sa tadyak ko 'di ba?"
"Oy! Okay na rito! Huwag naman sa puwet! Mas masakit kaya 'pag doon!" Alam ni Rj dahil naranasan na rin nitong magkapigsa noon sa puwet. At sinumpa nito ang araw na iyon!
Napahagikgik siya. "Sana sa puwet na lang talaga!"
"Sira ka talaga!" At pinilit nang tumayo ni Rj.
"Oh, kaya mo na ba?"
"Kaya na. Malayo to sa bituka," Sinubukan nitong
