Palapit nang palapit ang mga yabag ni Jarren. Pakshet. Katapusan na namin. Halos huminto ang pagtibok ng puso ko sa sobrang takot habang nakasandal ako sa dibdib ni Tiago.
Pero bago pa makarating si Jarren sa likod ng mga sako ay gumalaw si Tiago. Mabilis nya akong binuhat pataas. Walang kahit anong ingay at parang walang bigat ang katawan ko sa malalaki at matitipuno nyang braso. Itinaas nya ako at dahan dahang ipinatong sa pinakamataas na tumpok ng mga sako ng palay na abot na hanggang kisame. Mabilis at maliksi syang sumampa pataas at dumapa sa tabi ko saktong pagdating ng anak nya sa ibaba.
Nakahiga kami ngayon sa itaas. Pigil na pigil ang hininga ko habang pinapanood namin mula sa siwang ang ginagawa ng anak nya. Binuksan ni Jarren ang flashlight ng cellphone nya. Inilawan nya ang
