Call Ended.
Nakapikit si Sera habang mariin ang pagkakahawak sa cellphone. Ramdam niya ang panginginig ng daliri, hindi dahil natatakot siya, kundi dahil sa sobrang galit na kanina pa niya pinipigil. Parang kulang pa ang pagsigaw niya kay Liam. Kulang pa ang pang-uuyam at mga salitang binitawan niya. Kung pwede lang niyang kaladkarin ang lalaki at sabunutan sa harap mismo ng opisina ng Navarro Corporation, ginawa na niya.
“Damn it, Liam…” bulong niya, halos pabulong pero puno ng apoy ang tono. Tila ba bawat syllable ay lason na ayaw niyang lunukin. “After all this time, you dare show up? You dare claim them now?”
Mariin niyang ibinagsak ang cellphone sa mesa, halos tumalbog ito sa lakas ng impact. Napahawak siya sa sentido, sinusubukang pakalmahin ang sarili pero lalo lang siyang nilala
