Sa loob ng playroom, halos maingay na sa dami ng tawanan at sigawan ng triplets habang tuluy-tuloy silang naglalaro. Si Sky, hawak-hawak ang laruang kotse at panay ang pagtakbo, si Snow nakadapa sa sahig habang abala sa pagsasama-sama ng building blocks, at si Callum naman halos matumba sa kakatawa habang tinuturuan ni Liam kung paano magtayo ng mas matibay na kuta.
“Hindi ganyan, anak. Dapat may foundation,” paliwanag ni Liam habang maingat na inaayos ang mga blocks.
“Foundation?” bulalas ni Callum, nakakunot ang noo.
“Oo,” ngumiti si Liam. “Parang sa bahay—kapag malakas ang pundasyon, hindi madaling masira. Gano’n din sa ginagawa nating tower.”
“Ahhh,” sagot ni Callum sabay tango, pero agad din itong nagngiti ng malapad. “Daddy, ikaw na lang foundation namin!”
Natawa si Liam at bigl
