Tahimik ang gabi matapos ang Navarro family gathering. Sa isang mataas na unit sa isang luxury condominium, tahimik na nakatayo si Luca Navarro sa balkonahe, hawak ang baso ng pulang alak. Ang malamig na hangin ng lungsod ay waring hindi sapat para palamigin ang init ng tensyong kanina pa niya kinikimkim.
Sa loob ng condo, naroon si Third, ang kanyang personal assistant, tahimik na nag-aayos ng ilang papel sa ibabaw ng glass table. Matalik na kaibigan na rin ito, bukod sa pagiging tagabantay ng kanyang mga lihim.
"Convincing ba ako kanina?" tanong ni Luca, hindi lumilingon.
Tumingin si Third mula sa tablet na hawak. "More than convincing. Hindi halatang alam mo kung nasaan si Alyssa."
Napangiti si Luca, may bahid ng pait. "Magaling akong umarte kapag gusto ko."
Lumapit si Third sa may
