Matapos ang masayang tanghalian, unti-unting lumuwag ang paligid. Ang mga bata ay muling nagbibiruan kay Luca, habang si Doña Margarita ay kausap si Lolo Alejandro. Ngunit si Alyssa, bagaman nakangiti, ramdam ang bigat ng responsibilidad na naghihintay sa kanya sa labas ng mansyon.
Tumayo siya mula sa pagkakaupo, marahang nagsalita.
“Pasensya na po, Lolo, Doña… kailangan ko pong umalis sandali. May isang bagay lang akong kailangang tapusin sa kumpanya.”
Sabay lingon niya kay Liam, na agad sumalubong ng tingin. Kita ang bahagyang pagtataka at pag-aalala sa mga mata nito.
“Business?” tanong nito, mahina ngunit malinaw.
Tumango si Alyssa. “Oo. Sa Véraise. May kailangan akong personal na asikasuhin.”
Biglang tumahimik ang paligid, kahit panandalian. Si Doña Margarita ang unang nagsalita,
