1 September 2019 / 2:23am
Baby Gracia
Sobrang bigat ng pakiramdam ko ngayon.
Hinatid ka na namin.
Sorry...
Kahit sinabi ko sa'yo na hindi na ako iiyak nang sobra, hindi ko pa rin natupad.
Tie na tayo ah? Hindi mo ako hinintay eh.
6:23pm
Baby Gracia
Nakatulog ako pero hindi pa rin tapos ang pag-iyak ko.
Wala ka na talaga...
Akala ko mababawasan na ang sakit dahil nakikipag-kwentuhan na ako sa mga kaibigan mo nung dinalaw ka nila. Nakikipagtawanan na nga ulit ako sa kanila.
Sinabi ko pa sa kanila na sinabi mong huwag ko silang mahalin dahil dapat ikaw lang.
Pinagtawanan ka nila at sinabi na palagi mo naman ako gustong solohin.
Ikaw ah? Pasaway ka talaga, Love.
Tapos ang suot kong damit ngayon ay 'yung binili mo para sa'kin.
Sabi ng Mama mo, ikaw ang pumili nito.
Alam na al
