Kabanata 46
"Anong sabi mo?!"
Nanlalambot akong umupo sa high chair habang tinitimpla ang gatas ni Brielle. Sinabi ko lahat kay Yolly ang nalaman ko dahil parang sasabog na ang dibdib ko.
"Hindi ko alam kung saan ko hahanapin si Tita Eva, Yolly." Malungkot ang mga mata kong tumingin sa kanya.
Nagbuntonghininga ito at umupo sa upuan na katapat ko.
"'Yan na nga ba ang sinasabi ko e! Wala talaga akong tiwala d'yan sa step mom mo na 'yan at sa anak niya. Halata naman na lahat gagawin no'ng dalawang ‘yon para sa pera."
Ayokong pag-isipan sila ng masama. Pero tama naman si Yolly do'n. Hindi ko lang lubos na maisip sa mga ginawa ko para sa kanila ay ito ang ibabayad nila sa akin.
"Ano plano mo?" Umiwas ito nang tingin sa akin. "Alam ko kung gaano ka importante sa 'yo ang hacienda Lau. Pe-P
