“Kahit magpakasal pa kayo ng anak ko, hindi magbabago ang tingin ko sa ‘yo,” matigas na sinabi ng hindi katandaang babae sa babaeng blonde ang buhok.
“T-Tita Criza, g-gusto ko lang m-malaman kung bakit ayaw mo sa ‘kin. Kung bakit palagi kang galit sa Tiya Mirasol ko…” ani naman ng babae na may blonde na buhok. “Hindi ko makita ang totoong rason kung bakit…”
Tumawa ang babae sabay tayo mula sa kanyang kinauupuan.
“Gusto mo malaman kung bakit?” galit na tanong niya. “Gustong-gusto mo malaman?”
Hindi nagsalita ang babaeng blonde at nakatingin lang sa galit na babae.
“Inagaw niya sa ‘kin ang lalaking mahal ko! Ang totoong mahal ko!” sigaw ng babae na puno ng poot at galit. “Hanggang ngayon, kahit wala na sila sa mundong ito, hangga’t makikita kita ay maaalala ko pa rin ang babaeng iyon!
