JAY MONTEMAYOR
Paglabas ko ng room ni Lalaine at pagsarado ko ng pinto ay nakita ko si Jared na nasa gilid at nakasandal doon. Nilingon niya ako at umayos ng tayo.
"Anong ginagawa mo riyan, Jared?"
"Kararating ko lang dito at hinintay kang lumabas. Gusto sana kitang makausap," sagot niya. Kumunot ang noo ko.
"Tungkol saan?"
"Doon tayo sa dining area," sabi niya at naglakad paalis. Sumunod na lang ako pero tumingin pa ako ng isang beses sa kwarto ni Lalaine.
Sana ay nalinawan na ang isip niya. Gusto ko lang maging masaya si Lalaine kaya ko 'yon sinabi at kailangan niya rin 'yon para sa sarili niya dahil alam kong mahal niya pa si Neil.
Pero ano naman kayang pag-uusapan namin ni Jared? Tungkol kaya kay Lalaine?
Nang dumating kami sa dining area ay umorder agad siya ng wine. Umup
