THE CEO’S CONFIDENTIAL LOVER
(Sensational Romance Novel: Joemar Ancheta)
Chapter 55
"Anong nangyari?" nagtatakang tanong ni Adam. Nakita niya ang biglang pamumutla at panginginig ni Ricci. Hinawakan niya ang dalawang palad nito. "Sabihin mo sa akin kung anong itinawag sa'yo."
Nahimasmasan si Ricci. "Kailangan ko nang umalis. Kailangan ako nina Mama, Adam." Mabilis siyang tumalikod kasunod din ng mabilis niyang paghakbang palayo kay Adam.
Hindi na niya alam kung anong iisipin. Ni hindi niya rin alam kung paano siya kikilos ng naaayon sa kanyang kagustuhan. Nalilito siya... natatakot
Hinabol siya ni Adam. Pinigilan niya ito sa braso. "Halika, ihahatid kita sa inyo. Ricci, kung anuman ang nangyayari sa'yo at sa pamilya mo, karamay mo na ako. Huwag kang magdadalawang isip na magsab
