Chapter 26
Sinamahan ni Eli si Luna during weekdays. Hindi naman niya ito sinabihan pero malamang alam nito na kailangan niya ng makakasama kahit na hindi naman siya ngumangawa. Kagaya lang noong nag-aaral sila ng kolehiyo. Palaging magkasama at hindi mapaghiwalay. Wala naman silang particular na ginawa. Nanood lang ng series, kumain at nag-inom.
Naging mahimbing nga ang tulog ni Luna. Malaking tulong sa kanya ang presensya ng kaibigan. Hindi niya kailangang makiusap rito. Dadamayan siya ni Eli kahit hindi man siya magsabi.
Sumapit ang weekdays at muli na namang kakaharapin ni Luna ang tunay na hamon ng buhay. Wala namang ipinagbago. Naging malungkot lang naman siya, pero hindi naman nabawasan ang trabaho niya. Wala siyang panahon na magmukmok at indahin ang nararamdaman niyang lungkot.
