"Thank you Ley, hindi ka magsisisi," malambing na sambit ni Ian habang ako ay yakap niya.
"Ehem, tama na iyang yakapan ninyo," tikhim ni kuya sa aking likod at hinila ako palayo kay Ian.
Pumasok na muna si Ian sa loob ng bahay ni lola para makakain. Kami namang tatlong magkakaibigan ay pumasok na rin sa loob at umupo sa sala.
"Ley hindi mo pa sa amin kinukuwento ang nangyari sa inyo ni Ian noog umalis kayo bigla tapos hindi niyo man lang kami sinama," may pagtatampong sambit ni Zelia.
"Hindi ba't sinagot na namin ang tanong ninyo kung saan kami pumunta. Binili niya lang ako ng gown na susuotin at iba pang damit," sagot ko.
"Iyon lang wala ng iba?" tanong ni Raine.
"Oo naman wala naman kaming ibang gagawin," seryoso kong sambit.
"Okay," maikling sagot niya.
Nanood na lamang muna ka
