تغيرت حياتى إلى

الفصل السادس

تغيرت حياتى إلى

الفصل السادس

بقلم : ريان عبد العزيز محمد ابراهيم

يلا فى نفس اليوم فى الشركه مريم بدت شغل و كانت متحمسه شديد .. المكتب الشغاله فيو حق التسويق ما شغاله فيو براها معاها موظفه قريبه ليها فى العمر او أكبر منها بي شويه و معاهم موظف كبير فى العمر فى عمر نهاية الأربعينات و شكلو قدير و خبره فى الشغل و بالقرب من مكتبهم دا فى مكتب المسؤول منهم استاذ عمار هو مدير قسم التسويق مسؤول من القلتهم فوق ...

يلا الموظف الكبير دا مسؤول من الإعلانات و الإقناع للزباين لانو عندو حنكه و معرفه فى التعامل مع الزبون اما الموظفه التانيه مسؤوله من عرض الاعلانات حقت الشركه لباقى الشركات و العروض .. اما مريم عشان جديده و كدا مهمتها مساعده ليهم فى الاعلانات و عرض الاعلانات اما عمار هو المسؤول عن مراجعة الناس الشغالين فى قسم التسويق و بمش يعرض الشغل عامة لى استاذ ابراهيم ...الموظف الشغال مع مريم اسمو محمد و الموظفه التانيه اسمها رتاج...

اما فى جانب ابراهيم صاحب حازم هو نائب المدير العام للشركه هو متولى الاشراف على كل الموظفين و متابعتهم و تقديم كل الحاصل فى الشركه لى استاذ حازم ..

الساعه عشره جات و حازم اتوجه على غرفة الاجتماع كان مع مجموعه من الشركات العايزه تتعاقد مع شركة حازم ..حازم و ابراهيم وسكرتيرة حازم هم الوحيدين الفى الاجتماع اتناقشو كتير فى امور الشراكه و فى النهايه اتفقو على الشراكه و بعدها طلع حازم من غرفة الاجتماع و معاو ابراهيم ... حازم ماشى مع ابراهيم قال ليو رأيك شنو نعمل جوله مفاجئه لى اقسام الموظفين فى الشركه نشوف اوضاعهم كيف.. ابراهيم قال ليو ارح ..

و فعلا مشو بدو بي قسم الإشراف حازم اتكلم مع موظفين قسم الاشراف و شاف اواضع الشغل كلها و راجع ملفاتهم و بعدها اتطمن و مشو على قسم ادارة المعلومات و البرمجيات فى القسم دا مسؤول عن برمجة كل اجهزة الحواسيب الفى الشركه و عمل برامج لى حماية الاجهزه من برامج التهكير للحسابات و فى القسم دا فى كم محترفين من المبرمجين و مسؤولين مسؤوليه تامه عن سلامة الأجهزه و بعدها مشو على قسم التصميم فى القسم دا بصممو الاعلانات و بطبعوها و بتتوزع فى شكل ورقى و بعملو برضو تصاميم الكترونيه تتنشر فى السوشيال ميديا ... بعدها مشو على قسم العلاقات العامه و الخارجيه و فى القسم دا مسؤول عن العلاقات العامه للشركه و الخارجيه فى التعامل مع الشركات التانيه و فى القسم دا فى موظفين من كم دوله عربيه بساعد الشركه انو اى واحد من الموظفين ديل يسهم فى علاقة الشركه مع دولتو ... اما قسم التسويق دا الشغاله فيو مريم و مشو ابراهيم و حازم على القسم دا ودخلو على ناس مريم .. مريم كانت مركزه شديد فى جهاز الكمبيوتر القدامها و مندمجه .. كان بتعرف طريقة الشغل استاذ محمد اداها نماذج لى الاعلانات و الترويج فهى كانت بتتمعن فى النماذج دى بعدها قطع عليها التركيز و التمعن دا حتى الموظفين المعاها كانو مركزين فى شغلهم ... حازم قال : احم احم .. مريم و محمد و رتاج رفعو راسهم و اتخلعو .. حازم طوالى قال ليهم : سلام عليكم كيف جيت اعمل جوله تفقديه اشوف اوضاع الشركه و اشوف الحاصل شنو عندكم ..كلهم ردو عليو بي بصوت واحد : عليكم السلام ..استاذ محمد قال ليو : تنور فى اى وقت استاذ حازم ... حازم قال :يد*ك العافيه يا استاذ محمد .. اها الحاصل شنو فى التسويق و فى اقبال على الاعلانات .. استاذ محمد قال الحمد لله و الشكر لله كتير من الشركات راغ*ين يتعاملو معانا .. حازم قال كلو بي فضلكم و جهودكم بعدها اتلفت على مريم و بصوت رسمى : اها الشغل معاك كيف ... مريم اتخلعت و ردت ليو : تمام و الله كويس شديد يا دوب بفهم فى طريقة الشغل ..حازم قال ليها : و بي مرور الزمن بتفهمى اكتر ان شاء الله بس اهم شئ فى قسم التسويق دا النشاط و التعامل الحلو مع الناس و المصداقيه دى اساسيات التسويق .. مريم قالت ليو ان شاء الله ... بعدها طلع منهم و مشى لى استاذ عمار شاف الحاصل كلو فى قسم التسويق ..فى جانب مريم مع نفسها قالت (دا مالو عندو نفسيات كدا الليله ظريف عامل فيها و امس رسمى و جادى شديد ) قاطعها استاذ محمد قال ليها : نصيحتى ليك يا مريم اذا عايزه تعرفى الشغل كويس لازم تستكشفى اى شئ براك و تاخدى خبره من الحواليك ..مريم قالت ليو : فعلا و الله يا استاذ محمد انا هسه بحاول اشوف طريقتكم كيف و بعدها ابتكر طريقتى الخاصه فى التسويق .. استاذ محمد قال ليها : ربنا يوفقك ان شاء الله

بعدها حازم و ابراهيم لفو على قسم الحسابات فى القسم دا فى موظفين كتار و اكتر قسم موظفينو كتار مقسم لى تلاته اقسام قسم المحاسبين درجه اولى و قسم المحاسبين درجه تانيه و قسم الاشراف على المحاسبين اخدو زمن كتير فيو راجعو كل الحسابات لانو دا اكتر قسم معقد و اهم قسم ..و بعدها ابراهيم قال لى حازم .. يا حازم ارح نمش نفطر الساعه اتنين ظهر انا ما قادر اقيف من شدة ما جعان .. حازم قال ليو : انا ما صليت الظهر ارح نصلي اول و بعدها نمش ناكل بره الشركه .. ابراهيم قال ليو يلا ارح .. و مشو صلو الظهر و بعدها طلعو من الشركه مشو مطعم قريب من الشركه .. و رجعو على الشركه و واصلو شغلهم .. الساعه اربعه دوام الشركه بخلص لكل الموظفين .. و لما جات الساعه اربعه كل الموظفين طلعو بيوتهم ما عدا حازم كان عندو مراجعه لى اوراق مهمه راجعها بدقه لأنو كان دقيق شديد فى شغلو و بعدها قفل المكتب و طلع على بيتو ...

اما فى جانب مريم كانت مبسوطه شديد بي الشغل و البسطها اكتر انو الشركه دخلتها مع الترحيل الجماعى للموظفين و فرحت شديد الله ريحها من المواصلات و تعبها و جرجرة كل يوم الترحيل الجماع بجيها الساعه سبعه و نص صباح و برجعها اربعه و نص عصرا ..

نمش لى جانب جديد فى قصتنا ..

ساره بتتكلم مع صحبتها الروح بالروح قالت ليها : يا مزن انتى عارفه انا نفسي اعمل شنو

مزن قالت ليها : نفسك تعملى شنو ؟

ساره قالت ليها : نفسي اتعلم القرايه و الكتابه

مزن قالت ليها :اسكتى اسكتى مس نهله ما تسمعك و الا حا تطين يومك

ساره قالت ليها : هسه لو امى و ابوى معاى كانو خلونى اقرا و اكتب

قاطعهم صوت مس نهله قالت ليها : لو صحى هم اهل كان جدعوك لى كلاب الشوارع لو ما نحن مسكناكم كان هسه اكلتكم الكلاب

ساره طوالى دمعت و اتحسرت على حالتهم

مس نهله بصوت عالى قالت ليها :يلا كلكم القاكم رقدتو فى سرايركم و نمتو ما اسمع لى صوت كلام و يا ساره لو تانى كررتى كلامك دا عارفه عقابك شنو فانا هسه سامحتك بس لو سمعت مره تانى قلتى كلامك القبل شويه دا عارفه البحصل ليك شنو

ساره بخوف شديد رقدت فى سريرها و غمضت عيونها و حاولت تنوم لأنها خايفه من العقاب كانت

... يللا من خلال الكلام الدار فوق دا عرفتو نحن بنتكلم عن شنو .. بنتكلم عن ملجأ للأطفال المشردين و فاقدى الهويه و فاقدى الرعايه و السند .. الملجأ دا بستقبل الاطفال الصغار و يربيهم على حساب ديوان الزكاة و فاعلى الخير و بربي الاطفال على القسوه و بعامل الاطفال بي قسوة شديده بل مفروض يقدم ليهم الحنان و الدعم و الحب الهم كانو فاقدنو ..فا الملجأ دا للمساعدين و فاعلى الخير و ديوان الزكان بفهموهم انهم بوفرو لى الاطفال ديل كل سبل الراحه و التعليم و تعويض الحنان ..بس هم فى الحقيقه البنت بعد تحصل سن الرشد عمر أحاد عشر سنه بدربوهم على انهم يشتغلو فى البيوت كخدمات يتعلمو غسيل الملابس و مكوة الملابس و النضافه و الطبيخ مقابل مبلغ مادى و المبلغ دا اى بنت تسلمو لى مشرفات الملجا و اى بنت قبل ما تطلع تشتغل بحذروها المشرفات تطلع مبلغ معين خلال اليوم ت**ر رقبتها عشان تطلع المبلغ دا و اذا ما لقت شغل او ما قدرت تتحصل على المبلغ دا خلال اليوم تعاقب بي انها تنضف حمامات الملجا و تمنع من و جبة الغداء .. و وجبة الغداء كل يوم للبنات ديل عدس .. و الملجأ خاص بالبنات ..

يلا ساره و مزن ديل ممكن نقول عليهم من ضحايا المجتمع للاسف .. و اتعاملو فى المجتمع النحن فيو دا كأنهم وصمة عار من كل النواحى و المجتمعات مكروهين .. فا المجتمع بترك السبب الرئيسى هو غياب الوازع الدينى بين الاب و الأم و سوء السلوك و سوء الرقابه المجتمعيه و تفشى المجتمع بالظواهر السلبيه و تغيير الفكر بالثقافات الاوربيه و الاجنبيه و ترك القيم الاسلامية و عدم اتباع كلام الله و رسوله .. و بركز على المسبب اللهو البنسميهم ضحايا المجتمع او بالمعنى الاصح فاقدى السند و الرعايه ..المجتمع بتعامل معاهم بقسوه فى كل شئ للاسف و بغرس المجتمع فيهم القسوه و الحقد للاسف .. فمن هنا حابه اتكلم شوية عن الزنا

أضرار الزنا للزنا العديد من الأضرار و المفاسد، و فيما يأتي بيان جانبٍ منها:[١] يجمع الزنا أنواع الشرور جميعها، ففيه قلّة الدين وذهاب الورع و وأد الفضيلة، و غير ذلك من الشرور. يذهب حياء الإنسان، و يزرع في نفسه الصفاقة. يسوّد وجه الزاني، وظهور المقت والكآبة عليه. يطمس الزنا نور القلب، و حصول الظلمة فيه. يلازم الفقر الزاني. يسقط الزاني من عين ربه و عين الخلق، و يجعله موصوفاً بالفجور، و الفسوق، و الخيانة. يعتبر الزاني خائناً غير مؤتمنٍ بين الناس. يؤدي الزنا إلى قطيعة الرحم، و عقوق الوالدين، و ظلم الناس، و إضاعة المال والأهل، وال**ب الحرام وغير ذلك من المفاسد. يُذهب الزنا كرامة المرأة، و يجرّ العار إلى أهلها و أقاربها. يتسبّب الزنا في قيام العداوات بين الناس، و يؤجّج نار الرغبة في الانتقام لدى أهل المرأة. يتسبّب الزنا بإصابة الإنسان بعددٍ من الأمراض التي يصعب علاجها؛ كالإيدز، و الهربس، و نحوهما. يؤدي الزنا إلى الجناية على الولد الناشئ منه، فالناس عادةً يستخفّون بولد الزنا.

أساليب للوقاية من الزنا للوقاية من الزنا عدّة أساليب، وفيما يأتي ذكرٌ لبعضها:[٣] الحرص على منع مظاهر الاختلاط، و السفور، و التبرج و الحدّ منها. تسهيل مهور النساء في الزواج. الحرص على منع خلوة الرجال بالخادمات في المنازل. تحذير الناس و تذكيرهم بعواقب الزنا الوخيمة. نشر الأخلاق و الفضائل بين الناس، وحثّهم عليها. اختيار الصُحبة الصالحة، و مجالسة أهل الخير و الإيمان. الإكثار من الصيام. الحرص على أداء الصلوات لما فيها من النهي عن الفواحش.

فا ياريت الناس تنظر فى الكلام و تبعد عن اى حاجه بتجيب غضب ربنا .. اصلو الدنيا دى بنعيشها مره واحده و ربنا ما طلب مننا حاجات صعبه و مستحيله نبعد منها لانو الدين يسر ..

اعزائى القراء تصبحون على ما تتمنون القاكم بكره بألف خير