Gumaan ang loob ko nang sabihin ni Max na pwede na akong bumalik sa opisina pero sa isang kundisyon. Gusto daw niya half day lang ako doon para may oras pa rin ako sa mga bata. Kahit paano ay magagawa ko na rin ang mga trabaho ko.
“Hindi ka pa ba tapos?” Tanong niya sa akin habang nag-iintay dahil inaayos ko pa ang dadalhin kong gamit papunta sa opisina.
“Malapit na ito Max, silipin muna natin ang kambal bago tayo umalis.”
Tumayo siya at kinuha ang attaché case pagkatapos ay lumabas ng pinto ng kwarto. Inilagay ko na din ang shoulder bag ko saka ako sumunod sa kanya. Pagpasok ko ng kwarto ay buhat na niya ang kambal. Ang bilis nilang lumaki. Ngayon ay five months na sila at nakakadapa na rin.
“Aalis muna kami ni Mommy niyo okay? Pakabait kayo babies.” Paalam niya sa mga ito at hinalik
