Pagkatapos naming kumain ay umakyat na ulit ako para magbihis ng damit. Maliligo kasi kami sa dagat mamayang hapon. Kaya hindi na rin ako naligo bago magbihis. Black na short at gray na t-shirt lang ang sinuot ko. Pagkababa ko ay dumerecho na ako sa dalampasigan dahil yun ang sabi sa akin ni Henry. Ayaw na niyang magpatawag sa akin ng ‘sir’ kaya sinunod ko na lamang kahit hindi ako sanay. Dahil mas ayoko naman na tawagin ko siyang sugar.
Pagkarating ko sa dalampasigan ay nakita ko siyang nag-aayos ng mesa. Sa ilalim ng malaking puno. Inaayos niya ang mga pagkain at maiinom. May dalawa ding sun lounge chair sa tabi nito.
“Anong meron?” Nagtatakang tanong ko sa kanya.
“Picnic my love.” Nakangiting sagot niya sa akin. Palagi na lamang siyang ganito napaka-sweet sa akin. Dati hindi naman
