"Tita, Tito, andiyan pala kayo, pasensiya na," nahihiyang sabi ni Theodoro na siya namang nagpangiti sa dalaga ng lihim.
Para kasing asong naputulan ng buntot ang naging reaksyon ni Theodoro matapos nitong malaman na hindi lang pala sila ang nasa loob ng kwartong 'yon.
"Hay, wala 'yon. Naiintindihan ka namin," magiliw namang sabi ni Soledad.
Napatingin si Theodoro kay Reymart at naalala niya ang gabing sinundo niya ang kaibigan pero iba na pala ang naghatid. Kung hindi siya nagkakamali, ang lalaking naghatid kay Jackie Lou at ang lalaking kaharap niya ngayon ay iisa.
"Ah, Theo, siya si Mr. Reymart Salvador. Ang boss namin," pagpapakilala ni Jackie Lou.
"Teka! Wala ka bang bilib sa beauty ko? Mai-inlove rin 'yon sa akin."
Naalala niyang sinabi sa kanya noon ni Jackie Lou nang magkwen
