"Theo!" sigaw niya pero nanatiling matigas ang binata.
"Kapag sinabi kong diyan ka lang, diyan ka lang," muli nitong sabi sa boses na para bang nagbabanta saka muli itong humiga.
Pagalit na itinapon niya ang hawak niyang unan sa ibabaw ng higaan saka parang batang kumikisay na parang inagawan ng candy dahil sa inis.
Gugustuhin man niyang matulog sa tabi ni Theodoro, wala naman siyang magagawa kaya muli siyang napahiga sa higaan habang si Theodoro naman ay tahimik na pinakikiramdaman ang dalaga.
Gising na ang diwa ni Theodoro pero nanatili pang nakapikit ang kanyang mga mata. Napasarap ang tulog niya pero agad namang napakunot ang kanyang noo nang may biglang gumalaw sa kanyang tabi saka yumakap pa ito sa kanya kasabay ng pagdantay ng binti nito sa kanyang hita.
Agad niyang inimulat a
