Maya
Pagod akong umupo sa upuan. Ang buhok ay gulo-gulo at para akong galing sa sabunotan. Ganun din ang damit kong lukot-lukot na. Pinunasan ko ang pawis sa noo at tiningnan ang lalaking nakaupo sa kama. Para itong kuting na nag-aalburuto. Magulo ang hospital gown pati ang buhok. Nakanguso pa at masama na naman ang tingin sakin.
Kakatapos ko lamang siyang painumin ng gamot at para kaming nag rambulan sa ayos naming dalawa. Ang hirap niyang painumin ng gamot. Kung ganito ang magiging sitwasyon namin sa susunod na araw hanggang gumaling siya ay tiyak akong tatanda ako ng maaga.
Inayos ko ang buhok at sinuklay gamit ang mga daliri. Ang sakit ng anit ko dahil sa ginawa niyang paghawak sa buhok ko ng pilitin kong ibuka ang bibig niya para maipasok ang gamot. Baka mawalan na ako ng buhok sa
