MARGARETTE POV
“Anong sobre na ‘yan, Margarette?” matigas na tanong ni Dreydon na dadamputin na sana niya ang sobre, subalit sinipa ko ang kamay niya’t mabilis kong dinampot ang white envelope. “Alam kong importante ang sobre na ‘yan, kaya ibigay mo ‘yan sa akin, Margarette,” maawtoridad pa na wika niya.
“Walang laman ito, kaya umalis ka na!” asik ko’t patakbo kong tinungo ang labas, ngunit sinundan ako ni Dreydon. “Guard! Paul,” tawag ko sa dalawang empleyado, at agad naman silang lumapit.
“Huwag kayong lalapit at kinakausap ko lang amo ninyo,” gagad na pahayag ni Dreydon.
“Kaladkarin n’yo na ang lalaking ito dahil baka ano pang gawin sa ‘kin. Kung manlaban man siya’y bugbugin n’yo! Pero ‘wag n’yong puruhan sa mukha,” matigas na utos ko, kaya naman pinagtulungan ng mga ito na kalad
