“PUPUTÚLIN ko na ‘tong kamay mo nang ‘di ka na makapanakit pa’t hindi ka na—”
“Hijo!” sigaw na sambit ni inay nang dumating ito at agad kaming nilapitan dahilan upang ibaba ni Dreydon ang hawak niyang itak. “Anong ginagawa mo sa anak ko, ha! Papatayín mo siya!” sunod–sunod pa na tanong ni inay.
“Gusto ko lang bigyan ng leksyon ang anak n’yong tanga na ‘yan dahil sinasaktan niya si Diana. At ba’t pumapasok kayo ng basta–basta na lamang nang ‘di kumakatok?” gagad naman ni Dreydon.
“Mabuti nga at dumating agad ako dahil kung hindi ay baka mapatáy mo na anak ko. Hindi ko siya pinalaki rito sa mundo para gan’yanin n’yo. At wala kang karapatang saktan siya dahil asawa ka lang niya,” maawtoridad na wika ni inay na niyakap ako.
“Walang karapatang? Naiintindihan n’yo po ba pinagsasabi n’yo,
