Nakiusap ako na kahit hindi magtanong si Dreydon ay ‘wag na ‘wag nilang sasabihin kung nasaan ako, at sa kay Lucas, at Elsa. Hindi ko rin sinabi sa kanila na buntis ako dahil hindi nila siguro nahalata dahil tinakpan ko ng bag ko. Okay na sa amin na kami lang ni inay ang nakakaalam, at ang mga kamag–anak namin dito. Binibigyan din nila kami ng panggastos namin, pero tumanggi si inay.
“Sana nga na makalimutan mo na si Dreydon, Anak. At harapin ang bagong yugto ng buhay mo,” ani inay sa akin.
“Tama po kayo, Inay. Pero huwag nating pag–usapan si Dreydon dahil masaya na s’ya ngayon sa piling ni Diana, at sila ang totoong nagmamahalan,” saad ko. Nanikip ang dibdib ko sa isiping ‘yon, kaya ,uminom ako ng tubig.
“Nakikita kong nasasaktan ka pa rin kapag pinag–uusapan si Dreydon. Kaya ‘wag m
