“Um, wala naman, Lucas. Kumakanta lang ako sa loob, at ‘yon siguro ang narinig mo. Sa gym na tayo,” aya ko rito at hinila ko na ito pabalik ng gymnasium.
Lumingon pa ‘ko sa banyo at nakita kong nasa labas na si Dreydon, at isang matalim na tingin ang ipinukol niya sa akin.
Pagkaupo namin ni Lucas ay narinig kong tinawag s’ya ng Emcee.
“One of the prestigious businessmen here in the Philippines, and he is the Chief Executive Officer in Daflinn hotel, and Sapphire lounge, Mr. Dreydon Salazar Delgado,” pagpakikilala ni Jay, at narinig kong nagpalakpakan ang mga estudyante.
“Ang boss mo na pala nagsasalita. Balita ko, malaki ibinibigay ng kompanya nila sa unibersidad natin sa mga ganitong event. Ang talino ni Delgado dahil business pa rin umiiral sa kanya. But anyways ay hindi lang ito
