"NAPAKASAMA TALAGA NG lalaking iyon! Sana mabulok siya sa impyerno kapag namatay siya at isama na rin niya si Emily," umiiyak na sabi ni Mean habang nag-aayos ng sariling gamit.
Sila na lamang tatlo ang nasa kuwarto nila at umalis na ang iba. Nang umalis si Ma'am Julietta kanina, bumalik din ito at sinabi kay Mean na gawin na lang ang gusto ni Nate dahil baka hindi lang iyon ang makuha ni Mean sa anak. Alam ni Rosallia na kampi sa kanila ang ginang pero alam niya ring mas pipiliin nitong umalis na lang si Mean kaysa masaktan pa ito ng walang hiyang si Nate.
Kanina, kating-kati ang mga paa ni Rosallia na lapitan ang kaibigan para aluin lalo pa't sinaktan na ito ni Nate. Bakit ganoon ang lalaking iyon? Walang ibang ginawa kundi ang manakit at manigaw. Napakasama niya!
"Plinano iyon ng wal
