GUSTONG MAGPASALAMAT NI Rosallia kay Nate dahil sa pagtulong nito sa kaniya. Naikuwento ni Manang Alice na ito raw ang nagdala sa kaniya sa hospital at nagbayad ng mga bayarin. Hindi niya magawang makalapit dito dahil nga sa nangyari, mukhang nagalit ito nang sabihin niyang si Emily ang may gawa noon sa kaniya. Totoo naman, ang bruhang iyon ang halos sumira ng kaniyang mukha.
Isang buwan na rin ang lumipas nang mangyari iyon, nanahimik na lang siya at hindi na idinemanda si Emily dahil baka lang lumala ang sitwasyon. Sa ngayon, wala ng gasa ang mukha niya pero nag-iwan naman iyon ng iilang peklat dahil sa sugat na kaniyang natamo. Laking pasalamat niya dahil hindi nabubog ang mata niya dahil kung nagkataon, mas pipiliin na lang niyang magpakamatay kaysa makaranas ng sitwasyong hindi nakak
