ILANG NA ILANG si Rosallia habang hawak-hawak pa rin ni Nate ang kaniyang kamay patungo kung saan. Hindi niya nga alam sa sarili kung bakit niya ito hinayaang gawin nito iyon sa kaniya. Mukhang mabait at wala naman kasing arte ito kaya hinayaan na lang niya.
Mayamaya pa ay nakarating na sila sa isang lote kung saan may mga sasakyang nakaparada. Lumapit sila sa isang sasakyan at hindi na niya kailangang magtanong dahil sa binata ito— kay Nate— kay Sir. Nate!
Binuksan nito ang pintuan at iminuwestra ang kamay sa loob. "Pasok ka na, Rosallia," nakangiti nitong sabi.
Tumango lamang siya at pumasok na sa loob habang ito naman ay umikot at pumasok sa rin— sa tabi niya. Nasa passenger seat siya samantalang si Nate ay nasa driver seat. Lalo pa siyang nailang dahil doon. Totoo ba ito? Nasa tabi
