"ITO, ROSALLIA, HIGUPIN mo itong sopas na niluto ko."
Ipinatong ni Manang Alice sa harap ni Rosallia ang isang mangkok ng sopas. Kaagad na naglaway ang bagang niya at kahit na nilalamig ay inalis niya sa kaniyang katawan ang tuwalya at kinuha ang kutsara saka nagsimulang humigop ng mainit na sabaw. Gumihit ang init noon na halos nagpatanggal ng lamig na kaniyang nararamdaman. Mabuti na lang talaga at naiahon kaagad siya ni Keus sa swimming pool at kung hindi, baka pinaglalamayan na siya ngayon. Ang walang hiyang si Nate, kaya talaga siyang patayin nito. Mabuti't mabait si Keus at iniligtas siya.
"Maraming salamat po, Manang Alice," nakangiti niyang sabi saka nagpatuloy sa pagkain.
"Ayos na ba ang pakiramdam mo? Hindi ka na nilalamig?" tanong ng matanda kapagkuwan.
Nag-angat siya ng muk
