NANG MAKAPASOK SINA Rosallia at Manang Alice sa grocery store, kumuha sila ng dalawang cart para roon ilagay ang mga bibilhin. Tulak-tulak ni Rosallia ang isa habang ang isa naman ay tulak ni Manang Alice na nangunguna sa kanilang dalawa.
"May naisip ako, Rosallia." Huminto ito kaya napahinto siya.
"Ano po iyon?" nagtataka niyang tanong dito
"Maghiwalay tayo para mabilis ang pamimili natin," sabi nito saka humarap sa kaniya. May kinuha ito sa malaking pitaka— isang papel na hindi na niya kailangan pang tanungin kung ano iyon. Malamang mga ipapamili niya ang nakasulat doon. "Ito ang listahan ng mga bibilhin mo. Hati tayo para mapabilis. Ayos lang ba sa iyo, hija?"
Nakangiti siyang tumango. "Oo naman po, Manang Alice. Akin na po't para makapagsimula na tayo," aniya saka kinuha mula sa k
