"PAANO KAPAG NAPALAYAS tayo? Kasalanan mo kasi ito, Janine. Kung hindi mo na lang sinabi sa babaitang iyon na 'hindi mo kami kilala', malamang hindi lalala. Ayan ka na naman, e. Sana hindi mo na lang pinagtanggol si Rosallia, kaya niyang hawakan iyon," may kainisang sabi ni Mean kay Janine nang makalabas sila ng mansiyon.
"Ako na naman, Mean? Palagi na lang ako! Bakit, kaibigan ba ang turing mo kay Rosallia? Kung ikaw ang nasa posisyon ko, tutulungan mo ba siya? Siyempre hindi kasi sarili mo lang iyang iniisip mo. Wala kang kuwenta. Sana ikaw na lang ang napaalis at hindi si Annie dahil sa ating apat, ikaw lang ang sarili ang iniisip!" singhal ni Janine rito.
Napailing na lang si Rosallia at pinagitnaan ang dalawa dahil baka magkaroon na naman ng gulo. Ayaw niyang lumala ang sitwasyon da
