NANG MATAPOS KUMAIN nina Emily at Nate, naglinis na sila. Hindi naman ganoon karami ang nilinisan nilang apat kaya natapos sila kaagad. At mabuti na lang talaga ay dumating na si Jelly na halos ilang oras yatang nawala. Saan naman kaya ito naglagi? Kung saan man iyon, wala na siyang balak na alamin pa.
Papasok na sana siya kanilang kuwarto nang biglang may tumawag sa kaniya. Nang balingan niya iyon, nakita niya si Manang Alice na may dalang kung ano.
"Bakit po, Manang Alice?" nakangiting tanong niya rito.
"Aabalahin na muna kita, ha. Ito, dalhin mo muna itong kumot at unan sa kuwarto ni Sir. Nate sa taas," anito saka inabot sa kaniya ang isang kumot at unan.
Kinuha niya iyon at nakangiwing nag-angat ng tingin sa matanda. "Hindi po ba puwedeng kayo na lang?" kakaba-kaba niyang tanong di
