NAGULAT SIYA DAHIL sa tinuran ni Ma'am Julietta. Kukuwesyunin sana niya iyon pero tuluyan nang umalis ito at sumunod naman si Ma'am Madett. Hindi alam ni Rosallia kung ano ang magiging reaksyon niya. Ito na mismo ang nagsabing hindi siya aalis na ikinasaya ng puso niya.
Natigilan na lang siya sa malalim na pagkatulala nang biglang magsalita sina Janine at Mean na nasa magkabilang gilid niya.
"Ayos ka lang ba, Rosallia?" nag-aalalang tanong ni Janine.
"Halika na muna sa kuwarto natin, lagyan natin ng yelo iyang pisngi mo dahil sobrang pula. Halika na," ani Mean saka hinawakan ang kaniyang kamay at walang pasabihing hinila siya na hindi na niya nagawa pang umimik.
Nag-angat siya ng mukha kina Nate at Emily. Matalim ang tingin sa kaniya ni Emily at ganoon din si Nate habang naka-igting a
