"KUMUSTA NA SI ALING ROSA, ROSALLIA?" tanong ni Janine nang makapasok siya sa kanilang bahay.
Hindi niya ito pinansin bagkus ay nagpatuloy lang siya sa paglalakad hanggang sa makaupo siya sa tabi nito. Hanggang ngayon ay hindi pa rin niya natatanggap ang nangyari sa inay niya. May stage 3 breast cancer ito at napakasakit para sa kaniya lalo pa't mahirap lang sila. Kulang pa ang sinusuweldo niya sa pagiging kasambahay sa mansiyon ng mga Del Valle. Imbis na maging masaya, para lalong bumigat ang kaniyang dibdib— animo'y pasan na niya ang problema ng buong bundo.
Napabuntong-hininga siya saka bumaling sa kaibigan. "Hindi siya okay, sa totoo lang. May stage 3 breast cancer siya at kailangan ng malaking halaga ng pera para magamot iyon. Huwag na raw paabutin ng stage 4 kung hindi ay baka mawa
